OZ PLANET классик факторингни ишга туширади
Замонавий компаниялар пул оқимларини бошқариш учун оптимал ечимларни доимий равишда изламоқдалар. Айланма капитални самарали тасарруф этиш имконини берувчи воситалар алоҳида долзарблик касб этмоқда. Ушбу эҳтиёжларга жавобан OZ PLANET факторинг хизматлари портфелини кенгайтирмоқда. Янги маҳсулот — классик факторинг (регрессли факторинг) бўлиб, у етказиб берувчи компанияларга дебиторлик қарзларини бир зумда молиялаштиришга айлантириш ва пул оқимларини оптималлаштириш имконини берувчи молиявий воситадир.
Маҳсулотнинг асосий хусусиятлари
Регрессли факторингда етказиб берувчи харидорнинг қарзини (дебиторлик қарзини) тўламаслик рискини ўз зиммасига олади. Бу шуни англатадики, агар харидор қарзни тўламаса, фактор (банк) етказиб берувчидан унга тўланган суммани қайтаришни талаб қилиш ҳуқуқига эга. Шу муносабат билан фактор етказиб берувчи компаниянинг кредит рискини баҳолайди ва унга индивидуал молиялаштириш лимитини белгилайди.
Маҳсулотнинг афзалликлари
- Дебиторлик қарзлари бўйича молиялаштиришнинг максимал ҳажми
- Комиссия бошқа факторинг турларига қараганда пастроқ
- Ҳужжатларнинг минимал сони ва гаровнинг ёъқлиги
- Маҳсулот/хизмат етказиб берилгандан ва тасдиқловчи ҳужжатлар юклангандан сўнг молиялаштиришни дарҳол олиш.
Маҳсулотдан ким ютади?
- Ривожланган харидорлар тармоғига эга йирик етказиб берувчилар
- Ўз харидорларининг тўлов қобилиятига ишонган компаниялар
- Тез ривожланаётган компаниялар
Регрессли факторинг бизнесга турли контрагентлар билан муносабатларни мослашувчан тарзда ўрнатиш имконини беради, чунки факторнинг эътибори етказиб берувчининг тўлов қобилиятини баҳолашга қаратилган.
Бундан ташқари, OZ PLANET’даги классик факторинг тўловларни батафсил мониторинг қилиш, ҳисоботларни юклаб олиш, мижозларни кузатиб бориш ва қўллаб-қувватлаш, дастурий таъминотни ўз вақтида янгилаш каби бизнес учун бошқа хизматларни ҳам ўз ичига олади.
Шунингдек, классик факторинг доирасидаги хизматлар харидорларнинг ишончлилигини таҳлил қилишни ўз ичига олиши мумкин. Бу, айниқса, мижозлар базасини кенгайтиришга интилаётган ёки янги мижоз билан битим тузишга тайёрланаётган етказиб берувчилар учун талаб қилинади.
OZ PLANET рақамли платформаси факторингни молиялаштириш бўйича тезкор қарорлар қабул қилиш ва барча оператсияларнинг шаффофлигини таъминлайди. Бу етказиб берувчиларга ўз бизнесини ривожлантиришга эътибор қаратиб, керакли маблағларни тез ва самарали олиш имконини беради.
OZ PLANET платформасидаги классик факторинг (регрессли факторинг) — расмийлаштиришнинг соддалиги, молиялаштиришнинг қулай нархи ва бир қатор долзарб қўшимча хизматларни ўзида мужассам этган молиявий воситадир. Ушбу маҳсулот йирик етказиб берувчилар ва тез ривожланаётган компанияларга ўз пул оқимларини самарали бошқаришга ва молиявий кўрсаткичларини сезиларли даражада яхшилашга ёрдам беради.
