Рақамли факторинг амалда: Черноголовка етказиб бериш занжири OZ PLANET’да молиялаштирилади
OZ PLANET платформасининг мижозлари орасида Россиянинг «Черноголовка» холдинги (OOO AQUA PRODUCTS) — Ўзбекистон савдо тармоқларини товарлар билан таъминловчи йирик ичимликлар ишлаб чиқарувчиси муҳим ўрин эгаллади. 2025-йил феврал ойидан бошлаб корхона молиявий оқимларни оптималлаштириш ва мижозларга самарали хизмат кўрсатиш мақсадида OZ PLANET рақамли факторинг хизматларини ўз фаолиятига муваффақиятли интегратсия қилди.
Ўзбекистон бозорида «Черноголовка» кенг мижозлар базасини шакллантирди, бу ерда харидорларнинг аксарияти етказиб бериш ҳажмлари бўйича шартнома мажбуриятларини бажаргандан сўнг тўловни кечиктириш имкониятига эга. Таъминот занжиридаги муҳим бўғин Korzinka супермаркетлар тармоғи бўлиб, у ҳам OZ PLANET орбитасига киради. Минтақавий бозорда иштирок этиш географиясини кенгайтирган ҳолда, «Черноголовка» муваффақиятли ривожланиш учун етарли миқдордаги айланма капитални таъминлашга интилади.
OZ PLANET рақамли платформасига қўшилиш Ўзбекистонда «Черноголовка» бизнесини ривожлантириш учун стратегик қарор бўлди. Компания айланма маблағларни мослашувчан бошқариш ва ўсиб бораётган талабга тезкор жавоб бериш имкониятига эга бўлди. Компания OZ PLANET платформасидаги фаолиятининг биринчи ойида бир нечта факторинг оператсияларини муваффақиятли амалга оширди. Рақамли факторингга ўтишнинг муҳим афзаллиги аризаларни тезда келишиш ва тўлов муддати кечиктирилган шартномалар бўйича маблағларни тезда олиш бўлди.
Компания раҳбариятининг сўзларига кўра, рақамли факторингни жорий этиш натижалари пул оқимларини бошқаришни яхшилаш, бюджетни режалаштириш сифатини ошириш ва чакана савдо тармоқларига етказиб беришнинг логистика жараёнларини оптималлаштиришда ўз аксини топди.
Маълумотнома
Россиянинг энг йирик алкоголсиз ичимликлар ва озиқ-овқат ишлаб чиқарувчиси «Черноголовка» AJ 2022-йилдан буён Ўзбекистон бозорига етказиб берувчи ҳисобланади.
AQUA PRODUCTS МЧЖ — Ўзбекистондаги «Черноголовка» АЖнинг юридик шахси.«Черноголовка» холдингига 20 дан ортиқ бренд ва 300 дан ортиқ маҳсулот номлари тегишли. Компания ассортиментига сув, алкоголсиз ичимликлар, газаклар, қандолат маҳсулотлари, болалар овқатлари, тайёр нонушталар ва соғлом тамадди киради. Компаниянинг ишлаб чиқариш қувватлари Тошкент вилоятининг Нурафшон шаҳрида жойлашган Ўзбекистондаги заводни ўз ичига олган 14 та заводдан иборат.
«Черноголовка» ўз маҳсулотларини 26 мамлакатга муваффақиятли экспорт қилмоқда ва ўз географиясини доимий равишда кенгайтирмоқда.Компания ишлаб чиқаришнинг экологик тозалиги ва табиий компонентлардан фойдаланишга алоҳида эътибор қаратади. Маҳсулот сифати кўплаб мукофот ва дипломлар билан тасдиқланган.
