Faktoringning raqamli transformatsiyasi: jarayonning barcha ishtirokchilari uchun afzalliklar

Jahon tendensiyalariga ergashib, O‘zbekiston biznes sohasida an’anaviy moliyaviy vositalar asta-sekin ilg‘or yechimlarga o‘z o‘rnini bo‘shatib bermoqda va bunday yangiliklardan biri raqamli faktoringdir. Ushbu zamonaviy moliyalashtirish vositasi O‘zbekistonda 2024-yil boshida mamlakat bozoriga OZ PLANET raqamli platformasining kirib kelishi bilan rivojlandi. Yangi texnologik resurs butun faktoring jarayonini masofaviy formatda ta’minlaydi va yetkazib beruvchilar, xaridorlar va banklar uchun sezilarli afzalliklarni taqdim etadi.

Faktoring moliyaviy vosita sifatida, birinchi navbatda, yetkazib beruvchi kompaniyalar uchun qiziqish uyg‘otadi, chunki u to‘lovlarni tezroq olish va aylanma mablag‘larni boshqarish samaradorligini oshirish imkonini beradi. Xaridor kompaniyalarga (debitorlarga) faktoring yetkazib beruvchilar bilan barqaror va foydali munosabatlarni o‘rnatish, muntazam ravishda to‘lovni kechiktirish imkonini beradi. Faktoring banklarga (faktorlarga) yangi mijozlarni jalb qilish va mavjudlarini saqlab qolishga yordam beradi, chunki u barcha kompaniyalar ham uddalay olmaydigan kreditlarga qiziqarli muqobil taklif qiladi.

Ushbu maqolada biz raqamli faktoring ishtirokchilari OZ PLANET raqamli platformasiga ulanish orqali qanday afzalliklarga ega bo‘lishlari haqida so‘z yuritamiz. Yaxshiroq tushunish uchun raqamli faktoringning har bir tomoni uchun alohida afzalliklar ro‘yxatini taklif qilamiz, shuningdek, umumiy afzalliklarni ajratib ko‘rsatamiz.

OZ PLANET raqamli platformasining yetkazib beruvchilar uchun afzalliklari

• Uch tomonlama pul talablari reyestri imzolangandan so‘ng darhol to‘lov muddati kechiktirilgan shartnoma bo‘yicha to‘lovni olish.
• Yetkazib beruvchining moliyaviy barqarorligiga qo‘yiladigan minimal talablar, chunki asosiy e’tibor xaridorning to‘lov qobiliyatini baholashga qaratilgan.
• Garov ta’minotining va olingan moliyalashtirishdan foydalanish bo‘yicha maqsadli asoslashning yo‘qligi.
• Qarz yukini kamaytirish (faktoring moliyalashtirish kredit hisoblanmaydi).
• Bir vaqtning o‘zida turli OZ PLANET hamkor banklaridan moliyalashtirish bo‘yicha takliflarni olish imkoniyati.
• To‘lov muddati kechiktirilgan yetkazib berishlar bo‘yicha minimal shartnoma summasi yo‘qligi tufayli kichik loyihalar uchun moliyalashtirish olish imkoniyati.
• O‘zbekiston Respublikasining turli mintaqalaridagi turli sohalardagi kompaniyalar uchun faktoring moliyalashtirishini olish imkoniyati.
• Har bir faktor bo‘yicha bo‘sh limit miqdorini onlayn kuzatish imkoniyati.
• Faktoring bitimining barcha bosqichlarida maslahat olish va kuzatib borish.

Raqamli faktoring yetkazib beruvchiga tovarlar jo‘natilgandan so‘ng moliyalashtirishga zudlik bilan kirish imkonini beradi, bu esa uning likvidligi va aktivlar aylanishini yaxshilaydi. Aylanma mablag‘larning tez to‘ldirilishi tufayli yetkazib beruvchi majburiyatlarni o‘z vaqtida bajarish va biznesni rivojlantirishning keyingi bosqichlarini rejalashtirish imkoniyatiga ega bo‘ladi.

OZ PLANET raqamli platformasining xaridorlar (debitorlar) uchun afzalliklari

• To‘lov muddati kechiktirilgan shartnomalar bo‘yicha hisob-kitoblarni tezlashtirish va soddalashtirish hamda kontragentlardan yetkazib berish barqarorligini ta’minlash.
• Qisqa muddatli likvidlikni oshirish, o‘z kreditorlik qarzlarini raqamli formatda boshqarish.
• OZ PLANET hamkor banklaridan limitlar olish, yetkazib beruvchilarni ulash va moliyalashtirishning soddalashtirilgan tartibi.
• Har bir yetkazib beruvchining haqiqiy moliyaviy holati to‘g‘risidagi ma’lumotlar bilan ishonchli yetkazib beruvchilarning yagona bazasini yaratish.
• Raqamli faktoring ish jarayonlarini joriy etish bo‘yicha maslahat berish va xaridorning ma’lum parametrlari bo‘yicha hisobotlarni yuklab olish imkoniyati bilan sozlash.
• Kichik biznesni faol qo‘llab-quvvatlash orqali ijobiy obro‘ga ega bo‘lish.

Raqamli faktoring xaridorlarga yetkazib berilgan tovarlar/xizmatlar uchun to‘lovlar bo‘yicha qarzlarini yetkazib beruvchidan bankka oson va tez o‘tkazish imkonini beradi, shu bilan birga to‘lovni kechiktirishning qulay shartlarini saqlab qoladi. Bu o‘zaro manfaatli hamkorlikka zamin yaratadi, mahsulot va xizmatlar turini ko‘paytirish, sifatini oshirishga yo‘l ochadi.

OZ PLANET raqamli platformasining banklar (faktorlar) uchun afzalliklari

• To‘lov muddati kechiktirilgan shartnomalar bo‘yicha yetkazib beruvchilarni onlayn formatda tezkor moliyalashtirish (bir kun ichida yoki undan tezroq).
• OZ PLANET raqamli platformasining yirik debitorlari (yirik oziq-ovqat do‘konlari, marketpleyslar, farmatsevtika kompaniyalari, chakana savdo tarmoqlari va boshqa korxonalar) uchun limitlar belgilash imkoniyati.
• Arizalar va hujjatlarni qayta ishlash xarajatlarini 70 foizdan ko‘proqqa qisqartirish va bank talablariga javob bermaydigan arizalarni avtomatik ravishda saralash.
• Yetkazib beruvchilarni mijoz sifatida kuzatib borishni OZ PLANET’ga o‘tkazish.
• Moliyalashtirish portfeli, limitdan foydalanish, faktorning biznes-rejalarini bajarish bo‘yicha hisobotlarni yuklab olish imkoniyatiga ega bo‘lgan tahliliy blok.

Raqamli faktoring bankning bozordagi mavqeini mustahkamlashga, shuningdek, jarayonlarni avtomatlashtirish va operatsion samaradorlikni oshirish orqali mijozlar bazasini kengaytirishga yordam beradi.

Umumiy afzalliklar

• Faktoring ishtirokchilarining OZ PLANET raqamli platformasida «yagona darcha» orqali yuzma-yuz uchrashuvlarsiz masofadan turib o‘zaro hamkorlik qilishlari.
• Elektron hujjat aylanishi va elektron imzo orqali hujjatlarni qayta ishlash va imzolashni tezlashtirish.
• Imzolangan hujjatlarning yuridik ahamiyatini tasdiqlash va faktoringning barcha ishtirokchilari tomonidan elektron imzodan foydalanish orqali ma’lumotlarni qalbakilashtirishdan ishonchli himoya qilish.
• Yetkazib berishlar va ular bo‘yicha to‘lanadigan aniq summalarning yuridik ahamiyatga ega tasdig‘i.
• Intuitiv va do‘stona interfeys.
• Platforma dasturiy ta’minotini ishlab chiqish va o‘z vaqtida yangilash xarajatlarining yo‘qligi.

Xulosa qilib aytganda, raqamli faktoring yetkazib beruvchilar, xaridorlar va banklarga katta foyda keltiradi. OZ PLANET raqamli platformasida faktoring operatsiyalarini birlashtirish va raqamlashtirish tufayli faktoringning barcha ishtirokchilari uchun ma’muriy xarajatlar kamayadi, tomonlar o‘rtasidagi o‘zaro aloqalar sezilarli darajada tezlashadi va samarali bo‘ladi. Raqamli faktoring barcha ishtirokchilarning moliyaviy barqarorligini mustahkamlashga yordam beradi va zamonaviy raqamli iqtisodiyotda ularning o‘sishi va rivojlanishi uchun qulay shart-sharoitlarni ta’minlaydi.

Raqamli faktoring olish jarayonini shaxsiy kabinetda boshlashingiz mumkin.