APEX BANK OZ PLANET raqamli platformasiga qo‘shildi
2024-yil 21-oktabrda OZ PLANET raqamli platformasiga yangi faktor — APEX BANK qo‘shildi. Platformamiz mijozlari uchun faktoring moliyalashtirish imkoniyatlari kengayib borayotganidan va ular moliya institutlaridan yanada ko‘proq takliflar olishlari mumkinligidan mamnunmiz.
APEX BANK o‘z mijozlariga yuqori texnologiyali xizmatlarni taqdim etadi va innovatsion texnologiyalarni o‘z vaqtida joriy etadi. Bankning ustuvor yo‘nalishi — mijozlarning moliyaviy xavfsizligi. O‘zbekistonda faktoringning jadal rivojlanishi munosabati bilan bank rahbariyati ushbu vositani mijozlar uchun qulay qilish maqsadida raqamli faktoringni tanladi. Mijozlarga xizmat ko‘rsatishda bank tezlik, qulaylik va ishonchlilikni birinchi o‘ringa qo‘yadi. Klassik faktoring hujjatlarni ko‘rib chiqish va shartnomani imzolash uchun vaqt talab qiladi. Debitor, yetkazib beruvchi va faktor geografik jihatdan uzoqda joylashganida alohida noqulaylik yuzaga keladi. Aynan shuning uchun APEX BANK bitimning barcha ishtirokchilari «yagona darcha»da ishlashi tufayli faktoring operatsiyalarining qulayligi va tezligini, shuningdek, ERI yordamidagi himoyalangan elektron hujjat aylanishi hisobiga ishonchlilikni ta’minlaydigan OZ PLANET raqamli platformasiga ulandi.
OZ PLANET direktori Aleksandr Bogdanov shunday deydi: «Faktoringga alohida e’tibor Prezidentning 12.08.2024-yildagi Farmoni bilan bog‘liq. O‘zbekiston iqtisodiyotini rivojlantirish uchun kichik va o‘rta biznesning o‘sishi zarur. Faktoringga katta umid bog‘lanmoqda, chunki bu moliyaviy vosita turli mamlakatlarda o‘z samaradorligini ko‘rsatdi. Faktoring yetkazib beruvchi kompaniyalarga kassa uzilishlarini qisqartirish, yetkazib berishlar uchun to‘lanmaslik xavfini kamaytirish, mijozlar bazasini ko‘paytirish va doimiy moliyalashtirish oqimini olishga yordam beradi. Debitor kompaniyalarga faktoring yetkazib berish aylanmasini oshirish, qulay to‘lov sharoitlarida ishlash, yangi yetkazib beruvchilarni jalb qilish orqali tovarlar assortimentini kengaytirish va erkin pul oqimini boshqarish imkonini beradi. Faktor banklar moliyaviy mahsulotlar qatorini kengaytiradi, yangi mijozlarni jalb qiladi va mamlakat iqtisodiyotini rivojlantirishga hissa qo‘shadi. OZ PLANET raqamli platformasi bilan har bir tomon uchun afzalliklar yanada ko‘payadi — birinchi navbatda, safar xarajatlari va xodimlar vaqtini qisqartirish hisobiga».
«APEX BANK» AJ (APEX BANK) — O‘zbekiston bozorida yaqinda paydo bo‘lgan zamonaviy, texnologik bank. Bank 2023-yil mart oyida bank faoliyatini amalga oshirish uchun litsenziya olgan. Bank tomonidan ko‘rsatiladigan xizmatlar yuqori sifatli servis va innovatsion texnologiyalarni o‘zida mujassam etgan. APEX BANK O‘zbekistonda birinchilardan bo‘lib Oracle FlexCube avtomatlashtirilgan bank tizimini joriy qildi. Bank hozirda Toshkent shahrida faoliyat ko‘rsatmoqda va mintaqaviy kengayishga tayyorlanmoqda. Mijozlar o‘z masalalarini bank ofisiga bormasdan onlayn hal qilishlari uchun bank barcha mahsulot va xizmatlarni raqamli kanallarga integratsiya qilishga intiladi. Bankning muhim yo‘nalishi — premium segment. Shu munosabat bilan bank VIP mijozlar uchun alohida filial ochdi. Apex Bank korporativ madaniyati to‘rtta asosiy qadriyatga asoslanadi: halollik, shaffoflik, ishonchlilik va jamoaviy ish.
