OZ PLANET Тошкент вилоятида онлайн факторингни оммалаштириш миссиясини давом эттирмоқда

Президентнинг 2024-йил 12-августда қабул қилинган «Факторинг хизматлари бозорини жадал ривожлантириш чора-тадбирлари тўғрисида»ги Фармонига мувофиқ Ўзбекистон Республикасида факторингни оммалаштириш ва ривожлантириш борасида кенг кўламли чора-тадбирлар амалга оширилмоқда. Мамлакатнинг барча йирик ҳудудлари тадбиркорлари билан учрашувлар ўтказиш ҳам ана шундай чора-тадбирлардан бири бўлди.

OZ PLANET компанияси бозорга факторинг битимларини амалга ошириш учун энг янги рақамли платформани тақдим этиш мақсадида Марказий банкнинг тадбирлар дастурида фаол иштирок этди.

2024-йил 28-сентабрда Марказий банк вакилларининг Тошкент вилояти тадбиркорлари ва ҳокимлиги билан учрашувида OZ PLANET замонавий молиявий маркетплейс тақдимотини ўтказди. OZ PLANET платформасига қизиқиш яққол намоён бўлди, чунки Тошкент вилоятидаги компаниялар мамлакатнинг энг йирик факторларидан масофавий форматда молиялаштириш олиш учун ноёб имкониятга эга бўлдилар.

Факторингни замонавий молиявий восита сифатида хабардорликни оширишга қаратилган тадбирда вилоятдаги 100 дан ортиқ турли компаниялар ва маҳаллий ҳокимликлар вакиллари иштирок этди. Бу минтақада факторингни ривожлантиришнинг реал истиқболларидан далолат беради.